Kom word deel van hierdie unieke Bybelstudiegeleentheid!

Ons lees elke week, vir 'n week lank, dieselfde hoofstuk van 'n Bybelboek.  Elke dag deel ons met mekaar hoe die Heilige Gees met ons gewerk het deur 'n e-pos te stuur wat dan in die groep versprei word.  Die erediens Sondag sal dan ook op dié Skrifgedeelte fokus.

Hierdie week lees ons die laaste hoofstuk wat hier verskyn saam met die Bybelstudievrae.

Vir die vorige 7 dae se bydeaes kan jy HIER GAAN LEES!

Kontak enige van die dominees vir verdere besonderhede.

Bybelstudie:

Johannes 1

1. Waarom begin dié evangelie heel by die begin, by die skepping, en nie net by Jesus se geboorte nie?
2. Wat kan ons alles van die “Woord” sê vanuit hierdie eerste paar verse?
3. Wat, dink julle, bedoel Johannes met die “Lam van God” (v.29, Eks.12:1-13, Jes.53:7), die “Seun van God” (v.34) en die “Seun van die mens” (v.51)? Watter een van hierdie beskrywings van Jesus beteken vir jou die meeste? Hoekom?
4. Waarom sou Jesus vir Filippus en Natanael op sulke verskillende maniere roep?
5. Wat beteken vers 48 – dat God alles van jou weet – vir jou?
6. Waarom volg jy vir Jesus?